കഴക്കൂട്ടം കൃഷിഭവന്റെ കീഴിൽ തരിശ് നിലം കൃഷിയോഗ്യമാക്കി ഗ്രാമീണതൊഴിലുറപ്പ് വനിതകൾ വീണ്ടും!

പതിറ്റാണ്ടുകളായി തരിശിട്ടിരുന്ന നിലം മൊരുക്കി കഴക്കൂട്ടം കൃഷിഭവന്റെ കീഴിൽ വരുന്ന ആമ്പല്ലൂർ പാടശേഖരത്തിന്റെ ഭാഗമായ കോട്ടയത്ത് ഏലായിൽ തരിശുനിലകൃഷി പ്രോത്സാഹനത്തിന്റെ ഭാഗമായി ഈ കഴിഞ്ഞ ചൊവ്വാഴ്ച (08.02.2022) രാവിലെ 9.30 ന് ബഹു. ചന്തവിള വാർഡ് കൗൺസിലർ എം. ബിനു വിത്തിടീൽ കർമ്മം ഉദ്ഘാടനം ചെയ്തു.

ചെറുപയർ, ഉഴുന്ന് എന്നിവയുടെ വിത്തുകളാണ് ഇപ്പോൾ ഇവിടെ വിതച്ചിരിക്കുന്നത്. കൊവിഡ് വ്യാപനത്തിന്റെ ഈ സാഹചര്യത്തിൽ മറ്റ് ആഘോഷങ്ങളൊന്നും ഇല്ലാതെയാണ് പ്രസ്തുത പരിപാടി സംഘടിപ്പിച്ചത്. ആമ്പല്ലൂർ പാടശേഖരസമിതി സെക്രട്ടറി സമീർ (അജു ),ആമ്പല്ലൂർ പാടശേഖര സംരക്ഷണ സമിതി അംഗം നസീർ സാർ, ഷാജഹാൻ, സജു തുടങ്ങിയവർക്ക്  കൃഷി ഭവൻ  ഉദ്യോഗസ്ഥരും പരിപാടിയിൽ പങ്കെടുത്തു.