ആക്കുളം-വേളികായലിന്റെ അവസാനത്തെ പച്ചപ്പിനും പണികൊടുത്തു കൊണ്ട് “ലുലു മാൾ”!!

ലുലു ഈ നാട്ടിൽ വരരുത് എന്നല്ല പറയുന്നത്. എന്നാൽ ഇപ്പോൾ നിങ്ങൾ ആക്കുളത്ത് നടത്തുന്ന പ്രവർത്തികൾ മൂലം തിരുവനന്തപുരത്തിന് നഷ്ടപ്പെടുന്നത് വരാനിരിക്കുന്ന ദേശിയ ജലപാതയും, അതുമായി ബന്ധപ്പെട്ട വികസനങ്ങളെയുമാണ്.

ലുലു പോലുള്ള പ്രസ്ഥാനങ്ങൾ നമ്മുടെ നാട്ടിൽ വരണം, ജനങ്ങൾ എന്നും നെഞ്ചിലേറ്റുന്ന ഒന്നായി തന്നെ ഇത് നിലനിൽക്കുകയും വേണം. എന്നാൽ,  അത് നമ്മുടെ പരിസ്ഥിതിക്കും കാലാവസ്ഥയ്ക്കും നാടിന്റെ സ്വാഭാവികതയ്ക്കും വലിയ കോട്ടങ്ങൾ തട്ടാത്ത വിധത്തിലായിരിക്കണം ആസൂത്രണം ചെയേണ്ടത്. കേരളത്തിലെ ഏറ്റവും സമ്പന്നനായ വ്യക്തി നടത്തുന്ന പ്രസ്ഥാനത്തിന് അങ്ങനെ കഴിഞ്ഞില്ലെങ്കിൽ പിന്നെ മറ്റുള്ളവരിൽ നിന്ന് എന്ത് പ്രതീക്ഷിക്കാൻ നമ്മൾക്ക് കഴിയും. സുസ്ഥിരവികസന മാതൃകകൾ കാണിച്ചുകൊടുക്കേണ്ടത് ലുലു പോലുള്ള സ്ഥാപനങ്ങളാണ്.

പണമുള്ള ആർക്കും എന്തു തോന്നിവാസവും കാട്ടിക്കൂട്ടുന്ന ഒരു നാടാണ് ഇന്ന് നമ്മുടെ നഗരം. സത്യം വിളിച്ചുപറയുന്നവരെ പുച്ഛിച്ചു  ഇകഴ്ത്തുന്നവരുടേയിടം.

ഈ പ്രദേശത്തു നേരത്തെ തന്നെ മറ്റു പ്രസ്ഥാനങ്ങൾ ചെയ്തു കൂട്ടിയ തെറ്റുകൾ കണ്ടു മനസിലാക്കി കൊണ്ടായിരുന്നു ലുലു ഈ പദ്ധതിയുമായി മുന്നോട്ടു പോകേണ്ടിയിരുന്നത്. ഈ നാടിനോട് കുറച്ചെങ്കിലും ആത്മാർത്ഥതയുണ്ടെങ്കിൽ പ്രകൃതിയ്ക്ക് പ്രാധാന്യം കൊടുത്തുകൊണ്ട് ഈ പദ്ധതി നടപ്പിലാക്കാൻ ലുലുവിന്റെ കഴിയട്ടെ എന്ന പ്രാർത്ഥനയോടെ..

പാർവതി പുത്തനാറിനും ഇംഗ്ലീഷ് ഇന്ത്യൻ ക്ലേ ലിമിറ്റഡിന്റെ ടിപ്പറുകൾ പോകുന്ന വഴിയുടെയും ഇടയിലും ഉള്ള അവസാന പച്ചത്തുരുത്ത്. Photo: EPPRC

Video: EPRC